Nú er ný lokið leik Arsenal og Everton en þetta var lokaleikur dagsins í ensku úrvalsdeildinni, það er alveg óhætt að segja að leikurinn hafi verið nokkuð fjörugur.

Arsenal var einfaldlega mikið betri aðilinn í fyrri hálfeik og Aaron Ramsey skoraði fyrsta mark leiksins á 6. mínútu eftir góðan samleik Aubameyang og Mkhitaryan sem lagði upp markið.

Það liðu aðeins átta mínútur þar til staðan var orðin 2-0 en þá skallaði Laurent Koscielny boltann í netið af stuttu færi.

Þriðja mark heimamanna kom fimm mínútum síðar en þá átti Ramsey skot af nokkuð löngu færi sem fór í varnarmann og í netið en Ramsey fær markið skráð á sig og hann kominn með tvö mörk eftir tæpar 20 mínútur.

Fjórða mark Arsenal skoraði Pierre Emerick Aubameyang í sínum fyrsta leik fyrir félagið, það mark átti reyndar ekki að standa vegna rangstöðu en línuvörðurinn flaggaði ekki, Mkhitaryan lagði upp markið.

Staðan var 4-0 fyrir heimamenn í hálfleik en Dominic Calvert-Lewin sem kom inn á í seinni hálfleik lagði stöðuna aðeins á 64. mínútu þegar hann skallaði boltann í netið og staðan orðin, 4-1.

Fimmta mark Arsenal og síðasta mark leiksins kom á 74. mínútu þá kom Aaron Ramsey boltanum í netið og hann búinn að skora þrennu, Mkhitaryan var þá búinn að leggja upp þrjú mörk.

Loka niðurstaðan í þessum leik, 5-1 sigur Arsenal sem er nú með 45 stig í 6. sæti ensku úrvalsdeildarinnar. Gylfi Þór Sigurðsson sat allan tímann á varamannabekk Everton.